منهج الصوم وتدبيره

منهج الصوم وتدبيره
انت صايم ليه علشان تحس انك عملت حاجة تريح ضميرك
انت صايم علشان ايام حلوه وبركه ولازم نصوم
انت صايم علشان الناس صايمه وممكن يسالوك ويكسفوك لو مش صايم
انت صايم علشان الكام يوم دول ترضي بيهم ربنا
انت صايم عن الاكل طيب صايم عن الكلام عن النظر عن الشهوه عن الفكر
الصوم هو فرصه اكبر نكمل فيه الى حاله افضل بمعني انا بحب ربنا وعندى علاقة معه لانى ابنه مولود من فوق منه عايز اعرفه اكتر احبه اكتر اتمتع بيه اكتر اقرب منه اكتر احكى معه اكتر اتحد بيه اكتر يظهر في اكتر علشان كده الصوم اشتياق للاكتر .  الصوم رغبه مش فرض حب مش روتين حب ينسى الاكل وينسي الشرب ، الصوم ليه هدف هو التغير الى صورة يسوع الحى علشان كده بفرغ نفسى للهدف ده ، بضع نفسى امام الروح القدس ليشكلنى ، بقعد مع يسوع كتير علشان اخد منه ، بحضر قداسات كتير علشان اتحد بيه اكتر ، بضرب مطانيات كتير علشان اكسر قيود الجسد واقدم خضوعى ليه ، بقراء الكلمة كتير علشان تترسم ملامحه فى ، بصلى بالاجبية كتير علشان يمتلى قلبى مشاعر توبة وانسحاق . الصوم مش اكل ولا محاوله وانى اعيش كام يوم كويس قريب من ربنا .  الصوم شوق لعلاقة اعمق لتكميل الموجود من اهداف ابدية فى القلب  . وممكن يكون بداية لعلاقة جديده مع ربنا بس تكون مستمرة مش فى المناسبات بس قبل الصوم كنت معه كنت ليه ولا لا ؟! طيب بعد الصوم هتكمل عباده هتكمل صلاة هتكمل عينك عليه هتكمل معه ؟!  ولا بعد الصوم خلاص ؟!  فكر قرر