قول يا خشب
واحكى حكايات ليها العجب
أحكيلنا عن رب أتصلب
زمان عليك
رد الخشب بكلام عجيب
وقال أنا أبقى الصليب
أنا الصليب ..
اللى أتصنع م الغدارين
مكتوب عليه هيكون لمين
والكلام ده من سنين
علشان أكون عرش الحبيب
أنا الصليب ..
اللى شالنى يسوع زمان
لما جه فى ملء الزمان
عشان يقدم للأنسان
حياة جديدة
حياة عن الشرور بعيدة
حياة هتبقى اكيد سعيدة
لو يسوع هيكون قريب
أنا الصليب ..
اللى كان عرش الأله
لما قدم النجاه
لما أدى للخطاة
عمر من بعد الممات
بس كان وسط الأهات
ناس كتير رافضة الحياة
راضية بالحكم الرهيب
أنا الصليب ..
اللى مكتوب ليه نبوة
أن ضعفه يبقى قوة
وأن براه لو حزين
نلقى طعم الفرح جوة
لما يدوينا الطبيب
أنا الصليب ..
اللى كان لعنة وعار
وصرت رمز الأفتخار
حتى فى الموت اللى كان
بالقيامة بقى أنتصار
أنتصار على كل شر
بالدم اللى صار سكيب
أنا الصليب ..
اللى بيهز الممالك
والشيطان قدامه هالك
واللى بيشق الظلام
مهما كان فى ليله حالك
ولا صوته مخيف مريب
أنا الصليب ..
اللى مرسوم ع الأيدين
واللى ليه دايما عيدين
أوعوا يوم يا مفديين
تستهتروا بدم الحبيب
اللى عنكم أتصلب
قول ياخشب
